1 րոպեի ընթերցում
ԱՄՆ զինված ուժերը, հետևելով նախագահ Դոնալդ Թրամփի հրամանին, դադարեցրել են իրանական նավահանգիստների և ափամերձ տարածքների ծովային շրջափակումը։ Այդ մասին տեղեկացնում է «Արմենպրես»-ը՝ վկայակոչելով Պենտագոնի կենտրոնական հրամանատարության կողմից սոցցանցի X հարթակում արված գրառումը։
Պենտագոնի կենտրոնական հրամանատարությունը նշել է, որ ամերիկյան ուժերը չեն խոչընդոտում նավերի տարանցմանը դեպի իրանական նավահանգիստներ և հակառակ ուղղությամբ։
«Մեր ռազմածովային նավերը կմնան տարածաշրջանում՝ համոզվելու համար, որ համաձայնագրի բոլոր ասպեկտները պահպանվում են և լիովին ուժի մեջ են»,- ասված է գրառման մեջ։