368.18
Կատարի բանակցողները մեկնել են Թեհրան. Reuters
1 րոպեի ընթերցում
Իրանի և ԱՄՆ-ի միջև համաձայնության հասնելու ջանքերի շրջանակներում Թեհրան են մեկնել Կատարի բանակցողները։ «Արմենպրես»-ի հաղորդմամբ` այս մասին հայտնում է Reuters-ը` հղում անելով սեփական աղբյուրներին։
«Կատարի բանակցողները կիրակի առավոտյան մեկնել են Թեհրան՝ ԱՄՆ-ի և Իրանի միջև պատերազմը դադարեցնելու համաձայնագրի կնքման ջանքերի շրջանակներում», - հաղորդում է գործակալությունը։
Շաբաթ օրը Պակիստանի վարչապետ Շեհբազ Շարիֆը հայտարարել էր, որ ԱՄՆ-ի և Իրանի միջև համաձայնագիրը, հավանաբար, կվերջնականացվի 24 ժամվա ընթացքում։ Նա հավելել էր, որ Պակիստանը պատրաստվում է խաղաղության համաձայնագրի էլեկտրոնային ստորագրմանը, որը պետք է տեղի ունենա վերջնական տեքստի մշակումից անմիջապես հետո։
Հինգշաբթի օրը ԱՄՆ նախագահ Դոնալդ Թրամփը լրագրողներին ասել էր, որ, ինչպես ինքն է հասկանում, Իրանի ղեկավարությունը հաստատել է համաձայնագրի ստորագրումը Միացյալ Նահանգների հետ։ Սպիտակ տան ղեկավարը նշել էր, որ համաձայնագիրը կարող է ստորագրվել արդեն այս շաբաթվա վերջին։
Բաժանորդագրվեք մեր ալիքին Telegram-ում