368.44
ԱՄՆ-ն պատժամիջոցներ է սահմանել Իրանին աջակցող ընկերությունների դեմ
1 րոպեի ընթերցում
ԱՄՆ վարչակազմը պատժամիջոցներ է սահմանել կամ ընդլայնել դրանք Բելառուսի, Հոնկոնգի, Չինաստանի և Իրանի 12 ընկերությունների նկատմամբ՝ Իսլամական հեղափոխության պահապանների կորպուսին շարժական զենիթահրթիռային համալիրների ենթադրյալ մատակարարումների պատճառով։ Ինչպես հաղորդում է «Արմենպրես»-ը, այդ մասին ասվում է ԱՄՆ պետքարտուղարության հայտարարության մեջ։
Մասնավորապես, ԱՄՆ ֆինանսների նախարարությունը պատժամիջոցներ է սահմանել Իրանի երկու քաղաքացու, Չինաստանի չորս բնակչի, Հոնկոնգի երեք ընկերության նկատմամբ։ Բացի այդ, գործող պատժամիջոցներն ընդլայնվել են Իրանի մեկ քաղաքացու և Բելառուսի ու Իրանի երկու ընկերությունների նկատմամբ։
Ըստ ԱՄՆ իշխանությունների վարկածի՝ շարժական զենիթահրթիռային համալիրներ են մատակարարվել Չինաստանից Իրանին, իսկ այդ գործարքում բելառուսական ընկերությունն օգտագործվել է որպես միջնորդ:
Բաժանորդագրվեք մեր ալիքին Telegram-ում