1 րոպեի ընթերցում
Հայաստանի ֆուտբոլի ազգային թիմի գլխավոր Եղիշե Մելիքյանն առաջիկա ընկերական խաղի մրցակից Մոլդովայի հավաքականին համեմատում է Կիպրոսի թիմի հետ:
«Նման խաղային ժամանակացույց մեզ պետք էր, քանի որ աշնանն ընտրական փուլի խաղերի ժամանակացույցը նույնն է: Այս ընկերական խաղերը մեզ համար փորձ են, հասկանալու համար, թե որքանով պատրաստ կլինենք Ազգերի լիգայի որակավորման փուլին»,-«Արմենպրես»-ի հաղորդմամբ` լրագրողների հետ հանդիպման ժամանակ ասաց Մելիքյանը:
Գլխավոր մարզչի խոսքով` իր ֆուտբոլիստները դրական են տրամադրված Մոլդովայի դեմ առաջիկա ընկերական խաղին:
«Մոլդովայի դեմ խաղում նորեկների կտեսնեք դաշտում: Հասկանում եմ, որ մեզ հաղթանակ է պետք, բայց մենք ունենք ապագայի նպատակներ, որի համար հիմա փորձարկումներ են պետք: Ինձ պետք է, որ այս խաղերում ես հասկանամ իմ ֆուտբոլիստներին: Մոլդովան նույն խաղաոճն ունի, ինչ Կիպրոսն ու Լատվիան»,-ընդգծեց Մելիքյանը:
Հայաստանի ֆուտբոլի ազգային թիմը հունիսի 9-ին կհյուրընկալի Մոլդովային: Խաղը կմեկնարկի Երևանի ժամանակով 19:00-ին: