Հայաստանի ֆուտբոլի ընտրանու անդամ Նարեկ Գրիգորյանը դրական կարծիք ունի Մոլդովայի թիմի վերաբերյալ
1 րոպեի ընթերցում
Հայաստանի ֆուտբոլի ազգային թիմի կիսապաշտպան Նարեկ Գրիգորյանը Մոլդովայի հավաքականին հավասարազոր մրցակից է համարում:
«Արմենպրես»-ի հաղորդմամբ` Նարեկ Գրիգորյանն այդ մասին ասաց Հայաստան-Մոլդովա ընկերական խաղին ընդառաջ կայացած ասուլիսի ժամանակ։
«Կարող եմ ասել, որ ես լավ մարզավիճակում եմ: Պատրաստ եմ Մոլդովայի դեմ առաջիկա խաղին: Թիմն էլ է լավ պատրաստվել: Գիտենք, թե դաշտում ինչ պետք է անենք: Ամեն ինչ անելու ենք մեր երկրպագուներին ուրախացնելու համար»,-ասաց կիսապաշտպանը:
Գրիգորյանի խոսքով` Մոլդովան լավ հակառակորդ է ու Հայաստանի ազգային թիմում արդեն գիտեն, թե ինչպես օգտագործել թիմի ուժեղ և թույլ կողմերը:
Հայաստանի ֆուտբոլի ազգային թիմը հունիսի 9-ին կմրցի Մոլդովայի հետ: Հանդիպումը կկայանա Հանրապետական մարզադաշտում ու կմեկնարկի ժամը 19:00-ին: