Սերբիայում մեկնարկել են «Պլատինե գայլ 26» զորավարժությունները՝ ԱՄՆ-ի մասնակցությամբ

2 րոպեի ընթերցում

Սերբիայի հարավում մեկնարկել են «Պլատինե գայլ 26» բազմազգ մարտավարական զորավարժությունները, որոնց մասնակցում են զորակազմեր Ադրբեջանից, Բոսնիա և Հերցեգովինայից և ՆԱՏՕ-ի որոշ երկրներից՝ ԱՄՆ զինված ուժերի Եվրոպական հրամանատարության աջակցությամբ: «Արմենպրես»-ի փոխանցմամբ՝ այս մասին հաղորդում է ՏԱՍՍ-ը՝ հղում անելով Սերբիայի պաշտպանության նախարարությանը։

Ըստ գերատեսչության՝ 550 զինծառայողի մասնակցությամբ զորավարժությունները կտևեն մինչև հունիսի 13-ը: Բույանովաց քաղաքի շրջանում մեկնարկած զորավարժություններին, բացի սերբ և ամերիկացի զինվորականներից, մասնակցում են զորակազմեր Ադրբեջանից, Բոսնիա և Հերցեգովինայից, Հունաստանից, Մեծ Բրիտանիայից, Հունգարիայից, Իտալիայից, Ռումինիայից, Հյուսիսային Մակեդոնիայից և Չեռնոգորիայից: Նրանք կանցկացնեն խաղաղապահ գործողություններ իրականացնելիս փոխգործակցության վարժանքներ:

«Պլատինե գայլ» զորավարժությունների շարքը Սերբիայում անցկացվում է 2014 թվականից: Հանրապետության Պաշտպանության նախարարության տվյալներով՝ զորավարժությունները «հաստատում են Սերբիայի զինված ուժերի հանձնառությունը՝ համագործակցելու բոլոր գործընկերների հետ և պահպանելու խաղաղությունն ու կայունությունը»:  

2022 թվականին զորավարժությունները չեն անցկացվել Սերբիայի կառավարության կողմից ընդունված միջազգային բոլոր զորավարժությունների մորատորիումի պատճառով: 2023 թվականին զորավարժությունները վերսկսվել են:

Հայերեն Русский

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն