Իսրայելի բանակը հրահանգել է խաղաղ բնակիչներին լքել Լիբանանի հարավում գտնվող Տիր քաղաքը

Իսրայելը  նախազգուշացրել է  Լիբանանի հարավում գտնվող Տիր  քաղաքի բնակիչներին առաջիկա ավիահարվածների մասին և պահանջել  անհապաղ տարհանվել դեպի երկրի հյուսիս։

Ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, Իսրայելի պաշտպանության բանակի ներկայացուցիչը հայտարարել է, որ ավիահարվածները կուղղվեն իրանամետ շիական «Հեզբոլլահ» կազմակերպության ռազմական ենթակառուցվածքներին։

X սոցիալական ցանցում արաբերենով տարածված հայտարարության մեջ նա նշել է, որ հարվածները կուղղվեն ոչ միայն Տիրին, այլև նրա արվարձաններին։

Մայիսի 26-ին Տիր քաղաքի  մոտ գտնվող փախստականների ճամբարի վրա Իսրայելի կողմից հասցված ավիահարվածի հետևանքով զոհվել է 16 մարդ, այդ թվում՝ երկու երեխա և երեք կին:

Մարտի 11-ին Տիրի վրա հասցված ավիահարվածների հետևանքով վնասվել էին  քաղաքի հնագիտական ​​վայրերը: