Բելգիայում դպրոցական միկրոավտոբուսի և գնացքի բախման հետևանքով 4 մարդ է զոհվել

1 րոպեի ընթերցում

Բելգիայի Բուգենհաութ բնակավայրում գնացքի և դպրոցական միկրոավտոբուսի բախման հետևանքով զոհվել են երկու դպրոցական և երկու մեծահասակ։ «Արմենպրես»-ի փոխանցմամբ՝ այս մասին հաղորդում է BBC-ն։

Բելգիայի ենթակառուցվածքների նախարար Ժան-Լյուկ Կրուկեն հաստատել է տեղեկությունները, որ վթարի պահին երկաթուղային անցման արգելապատնեշները քանդված են եղել։

Վթարը տեղի է ունեցել տեղական ժամանակով մոտավորապես ժամը 08:00-ին։ Բախման պահին ավտոբուսում եղել են յոթ երեխա, վարորդը և ուղեկցողը։

«Ավտոբուսն ընթանում էր դեպի հատուկ կրթական հաստատություն, որտեղ հիմնականում միջնակարգ դպրոցի երեխաներ են», - ասել է դաշնային ոստիկանության մամուլի խոսնակ Ան Բերգերը։

Բերգերը բելգիական հեռուստատեսությանը նաև հայտնել է, որ միկրոավտոբուսի վարորդը վարել է երկաթուղուն զուգահեռ փողոցով, ապա ձախ է շրջվել երկաթուղային անցման վրա, որտեղ արգելապատնեշն արդեն քանդված էր, և այդ պահին Բուգենհաութով անցնող գնացքը բախվել է միկրոավտոբուսին։

Ոստիկանության խոսնակը հայտնել է, որ գնացքում ոչ ոք չի տուժել, միայն մեկ մարդ հոսպիտալացվել է շոկային վիճակում։

«Այսօր Եվրոպան սգում է Բելգիայի հետ միասին», - դեպքի առնչությամբ ասել է Եվրոպական հանձնաժողովի նախագահ Ուրսուլա ֆոն դեր Լայենը։

Հայերեն Русский

Երևանը կընդունի բասկետբոլի Մ16 տարեկանների ԵԱ-ն

ՀՖՖ նախագահի թեկնածուները երկուսն են

«ՀՀ վարչապետի գավաթ» մրցաշարի նպատակներից է առողջ և ազնիվ մրցակցությունը երեխաների շրջանում խթանելը. Փաշինյան

«Հայաստանի AI հնարավորությունը. գաղափարից՝ գործողություն» խորագրով քննարկում

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն