367.29
Իսլամական հեղափոխության պահապանների կորպուսը նախազգուշացրել է ԱՄՆ-ի կողմից պատերազմի վերսկսման հետևանքների մասին
1 րոպեի ընթերցում
Իրանի Իսլամական հեղափոխության պահապանների կորպուսը (ԻՀՊԿ) հայտարարել է, որ Մերձավոր Արևելքի պատերազմը կտարածվի տարածաշրջանից շատ ավելի հեռու, եթե ԱՄՆ-ն և Իսրայելը վերսկսեն հարձակումներն Իրանի դեմ։ «Արմենպրես»-ի փոխանցմամբ, այս մասին հայտնում են իրանական լրատվամիջոցները։
«Եթե Իրանի դեմ ագրեսիան կրկնվի, խոստացված տարածաշրջանային պատերազմն այս անգամ կտարածվի տարածաշրջանից շատ ավելի հեռու, և մեր ավերիչ հարվածները կջախջախեն ձեզ», - նշվել է ԻՀՊԿ հայտարարության մեջ։
Իսլամական հեղափոխության պահապանների կորպուսի ներկայացուցիչները հայտնել են, որ իրենք դեռ չեն օգտագործել «Իսլամական հեղափոխության ողջ ներուժը»։
Զգուշացումը հնչել է այն բանից հետո, երբ ԱՄՆ նախագահ Դոնալդ Թրամփը հայտարարել է, որ Վաշինգտոնը կարող է կրկին հարվածել Իրանին, եթե առաջիկա օրերին երկարաժամկետ կարգավորման վերաբերյալ համաձայնագիր չհաստատվի։
Իրանի արտաքին գործերի նախարար Աբբաս Արաղչին X-ի գրառման մեջ նշել է, որ «պատերազմի վերադարձը կհանգեցնի մեծ անակնկալների»։
Բաժանորդագրվեք մեր ալիքին Telegram-ում