Լիտվայի արտաքին գործերի նախարարը հարգանքի տուրք է մատուցել Հայոց ցեղասպանության զոհերի հիշատակին
1 րոպեի ընթերցում
Լիտվայի արտաքին գործերի նախարար Կեստուտիս Բուդրիսը հարգանքի տուրք է մատուցել Հայոց ցեղասպանության զոհերի հիշատակին։ «Արմենպրես»-ի փոխանցմամբ՝ այս մասին հայտնում են ՀՀ արտաքին գործերի նախարարությունից։
«Լիտվայի ԱԳ նախարար Կեստուտիս Բուդրիսը ՀՀ ԱԳ նախարարի տեղակալ Մնացական Սաֆարյանի ուղեկցությամբ այցելել է Հայոց ցեղասպանության հուշահամալիր: Նախարար Բուդրիսը ծաղկեպսակ է զետեղել հուշահամալիրի մոտ և հարգանքի տուրք մատուցել ցեղասպանության զոհերի հիշատակին»,- ասված է հաղորդագրությունում։
Լիտվայի արտաքին գործերի նախարար Կեստուտիս Բուդրիսը մայիսի 19-ին Հայաստանում է պաշտոնական այցով։