1 րոպեի ընթերցում
Չինաստանի հարավ-արևմտյան Գուանսի շրջանում մայիսի 18-ի վաղ առավոտյան տեղի ունեցած 5.2 մագնիտուդով երկրաշարժի հետևանքով երկու մարդ է զոհվել։ Ինչպես հաղորդում է «Արմենպրես»-ը՝ վկայակոչելով չինական Xinhua լրատվական գործակալությունը, Լյուչժոու քաղաքում ավելի քան 7000 մարդ ստիպված է եղել տարհանվել։
CCTV-ի տվյալներով, երկրաշարժի հետևանքով փլուզվել է 13 շենք, ներկայում որոնողական-փրկարարական գործողությունները շարունակվում են։
Մեկ մարդ անհետ կորած է համարվում, չորսը տարբեր աստիճանի վնասվածքներով տեղափոխվել են հիվանդանոց։ Նրանց կյանքին վտանգ չի սպառնում։
Իշխանությունները հայտնել են, որ հնարավոր են տրանսպորտային երթուղիներում խափանումներ, քանի որ հարկավոր է ստուգել երկաթուղային ենթակառուցվածքների անխափան լինելը։