Ուկրաինայի ԱԳ նախարարը հորդորել է ԱՄՆ-ի և Չինաստանի ղեկավարներին ստիպել Ռուսաստանին դադարեցնելու պատերազմը
2 րոպեի ընթերցում
Պեկինում Միացյալ Նահանգների ղեկավար Դոնալդ Թրամփի և Չինաստանի առաջնորդ Սի Ծինփինի հանդիպման համատեքստում Ուկրաինայի արտաքին գործերի նախարար Անդրիյ Սիբիհան հայտարարել է, որ այդ երկրները կարող են ճնշել Ռուսաստանին՝ վերջ տալու ուկրաինական պատերազմին։
«Արմենպրես»-ի փոխանցմամբ, այս մասին Սիբիհան գրել է X-ի իր էջում՝ անդրադառնալով նախօրեին Կիևի վրա ռուսական հարձակումներին, որի հետևանքով մասնակի փլուզվել է բնակելի շենք, կա զոհ և վիրավորներ։
«Հենց այն պահին, երբ ամենահզոր երկրների առաջնորդները հանդիպում են Պեկինում և աշխարհն ունի խաղաղության, կանխատեսելիության և համագործակցության հույս, Պուտինը հարյուրավոր դրոններ, հրթիռներ է արձակում Ուկրաինայի մայրաքաղաքի վրա։ Նման կարևոր գագաթնաժողովի ժամանակ այս բարբարոսական հարձակումը ցույց է տալիս, որ ռուսական ռեժիմը համաշխարհային սպառնալիք է միջազգային անվտանգությանը»,- հայտարարել է Ուկրաինայի ԱԳ նախարարը։
Նա նշել է, որ Ուկրաինայի դեմ պատերազմի շարունակումն անհրաժեշտ է ՌԴ նախագահ Վլադիմիր Պուտինին՝ երկարաձգելու իշխանությունը Ռուսաստանում և որ միայն ճնշումը Մոսկվայի վրա կկանգնեցնի նրան։
«Վստահ եմ, որ Միացյալ Նահանգների և Չինաստանի ղեկավարներն ունեն բավարար լծակներ Մոսկվայի վրա՝ կոչ անելու Պուտինին վերջապես վերջ տալու պատերազմից։ Եվ դա կլինի մեծագույն դրական զարգացումը»,- գրել է նախարար Սիբիհան։