Ղազախստանի նախագահը ստորագրել է հրամանագիր միջնակարգ դպրոցներում ԱԲ ներդրման վերաբերյալ

Ղազախստանի նախագահ Կասիմ-Ժոմարտ Տոկաևը ստորագրել է հրամանագիր երկրի միջնակարգ կրթական համակարգում արհեստական բանականության (ԱԲ) ներդրման վերաբերյալ։ «Արմենպրես»-ի փոխանցմամբ, այս մասին հայտնում է Kazinform գործակալությունը։

Հրամանագրում նշվում է, որ այս քայլի նպատակն է ապահովել Ղազախստանի կայուն զարգացումը արհեստական ​​բանականության արագացված ծավալման համատեքստում, ինչպես նաև ստեղծել պայմաններ ժամանակակից, նորարարական կրթական համակարգի ձևավորման համար։

Կառավարությունը մինչև 2026 թվականի հուլիսի 1-ը կհաստատի գործողությունների ծրագիր, որը նպատակաուղղված կլինի արհեստական ​​բանականության լայնածավալ ներդրմանը միջնակարգ կրթության համակարգում՝ 2026-2029 թվականների համար։ Ծրագիրը ներառում է ուսուցիչների վերապատրաստում, անհատականացված ուսուցման մեխանիզմի, թվային ենթակառուցվածքների և աշակերտների անձնական տվյալների պաշտպանության ստեղծում։

Նշվում է նաև, որ մինչև աշուն պիլոտային ծրագրի շրջանակում դպրոցները կապահովվեն անհրաժեշտ տեխնիկայով ու բարձր արագությամբ ինտերնետով։