ՀՀ ԱԳ փոխնախարարը Կոնրադ Ադենաուեր հիմնադրամի ներկայացուցիչներին է ներկայացրել տարածաշրջանային վերջին զարգացումները
1 րոպեի ընթերցում
«Երևանյան երկխոսություն» միջազգային համաժողովի շրջանակներում ՀՀ ԱԳ նախարարի տեղակալ Ռոբերտ Աբիսողոմոնյանը հանդիպել է Նյու Յորքի գրասենյակի գործադիր տնօրեն Թոմաս Թյոդլինգի և Կոնրադ Ադենաուեր հիմնադրամի հարավկովկասյան գրասենյակի ղեկավար Յակոբ Վյոլլենշտայնի հետ։
Ինչպես «Արմենպրես»-ը տեղեկանում է ՀՀ ԱԳ նախարարության տարածած հաղորդագրությունից, Ռոբերտ Աբիսողոմոնյանը զրուցակիցներին է ներկայացրել տարածաշրջանային վերջին զարգացումները` ընդգծելով Հարավային Կովկասում հաստատված խաղաղության հետագա ամրապնդման և ինստիտուցիոնալացման կարևորությունը:
ԱԳ նախարարի տեղակալը ներկայացրել է «ԹՐԻՓՓ» ծրագրի մանրամասներն` ընդգծելով դրա իրականացման կենսական կարևորությունը Հարավային Կովկասում փոխկապակցվածության ներուժի և լոգիստիկ հնարավորությունների լիարժեք կիրարկման համար:
Հանդիպնան ընթացքում զրուցակիցներն անդրադարձել են նաև այս տարի Հայաստանում հյուրընկալվելիք ՄԱԿ-ի Կենսաբանական բազմազանության մասին կոնվենցիայի կողմերի 17-րդ համաժողովի նախապատրաստական աշխատանքներին, ինչպես նաև համագործակցության հեռանկարներին:
Անդրադարձ է կատարվել նաև միջազգային և տարածաշրջանային հարցերի լայն շրջանակի: