Հայաստանն ու Ֆրանսիան ռազմավարական գործընկերության մասին հռչակագիր են ստորագրել

Հայաստանը և Ֆրանսիան ռազմավարական գործընկերության հաստատման մասին համատեղ հռչակագիր են ստորագրել։

«Արմենպրես»-ի փոխանցմամբ՝ հռչակագիրը ստորագրեցին Հայաստանի վարչապետ Նիկոլ Փաշինյանը և Ֆրանսիայի նախագահ Էմանուել Մակրոնը։

Հռչակագրի ստորագրումը տեղի է ունեցել Էմանուել Մակրոնի՝ Հայաստան կատարած պետական այցի շրջանակներում։  

Մինչ փաստաթղթի ստորագրումը ՀՀ նախագահի նստավայրում կայացել էր Հայաստանի վարչապետ Նիկոլ Փաշինյանի և Ֆրանսիայի նախագահ Էմանուել Մակրոնի հանդիպումը։