1 րոպեի ընթերցում
Հայաստանի ֆուտբոլի ազգային թիմի պաշտպան Նաիր Տիկնիզյանն առաջին չեմպիոնական տիտղոսն է նվաճել կարիերայում:
«Արմենպրես»-ի հաղորդմամբ` Բելգրադի «Ցրվենա Զվեզդա»-ի ֆուտբոլիստն առաջին անգամ ակումբային մակարդակով դարձել է երկրի չեմպիոն: Բելգրադյան ակումբը ժամանակից շուտ հաղթանակի է հասել Սերբիայի ներքին առաջնությունում` մրցաշրջանի ավարտից մի քանի տուր առաջ:
Տիկնիզյանն առաջին չեմպիոնական տիտղոսն է նվաճել ակումբային կարիերայում:
Հայ պաշտպանի ակտիվում կար միայն մեկ թիմային գավաթ՝ Ռուսաստանի 2018/19 մրցաշրջանի գավաթը ԲԿՄԱ-ի կազմում: Այդ ժամանակ Տիկնիզյանը խաղաժամանակ ստացավ մրցաշարի մեկ խաղում և աչքի ընկավ արդյունավետ փոխանցումով:
Ընթացիկ մրցաշրջանում հայ պաշտպանը Սերբիայի առաջնությունում արդեն անցկացրել է 23 հանդիպում և կատարել 4 գոլային փոխանցում:
«Ցրվենա Զվեզդա»-ն շարունակում է պայքարը Սերբիայի գավաթում: