Ծանրամարտի ԵԱ-ում մրցումային վերջին օրը Հայաստանն ունի երկու մասնակից

Ծանրամարտի Եվրոպայի առաջնության մրցումային վերջին օրը պայքարի մեջ կմտնեն գերծանր քաշային ծանրորդները:

«Արմենպրես»-ի թղթկացի հաղորդմամբ` Հայաստանի հավաքականից ԵԱ-ում հանդես կգան Տաթև Հակոբյանն ու Վարազդատ Լալայանը:

Կանանց գերծանր քաշային կարգի պայքարը կսկսվի 13:00-ին: 

Աշխարհի ու Եվրոպայի կրկնակի չեմպիոն, Օլիմպիական խաղերի արծաթե մեդալակիր Վարազդատ Լալայանը գերծանր քաշային կարգում մրցահարթակ դուրս կգա 16:00-ին:

Ավելի վաղ Հայաստանի հավաքականից Եվրոպայի առաջնության ոսկե մեդալակիր էին դարձել Էմմա Պողոսյանը ու Գարիկ Կարապետյանը, արծաթե մեդալակիրներ էին դարձել Գառնիկ Չոլաքյանը, Ալեքսանդրա Գրիգորյանը, Գոռ Սահակյանն ու Արա Աղանյանը: Բրոնզե մեդալ է նվաճել Մարտին Պողոսյանը: Աննա Ամրոյանն էլ ոսկե մեդալակիր էր դարձել հրում վարժությունում, իսկ Լիանա Գյուրջյանը` արծաթե: