Երևանում Ղազար Փարպեցու փողոցում երթևեկության կազմակերպումը կփոխվի

Մայրաքաղաքում տրանսպորտային հոսքերի անցանելիությունն ապահովելու նպատակով ապրիլի 17-ից երթևեկության կազմակերպման փոփոխություն կկատարվի Ղազար Փարպեցու փողոցում:

«Արմենպրես»-ի փոխանցմամբ՝ այս մասին հայտնում են Երևանի քաղաքապետարանից, մանրամասնելով, որ Ղազար Փարպեցի փողոց 4 հասցեից մինչև Ղազար Փարպեցի – Արամի փողոցների խաչմերուկ երթևեկությունը կկազմակերպվի միակողմանի, Արամի փողոցից մուտքը Ղազար Փարպեցի փողոց կարգելվի:

Ղազար Փարպեցի փողոց 6 հասցեի հարակից ճանապարհահատվածից մինչև Ղազար Փարպեցի – Արամի փողոցների խաչմերուկ ուղղության ձախակողմյան հատվածում կանգառը կարգելվի: