Դպրոցականների առարկայական օլիմպիադայի հանրապետական փուլում Գեղարքունիքի մարզի աշակերտներն արժանացել են 12 դիպլոմի և 5 գովասանագրի
1 րոպեի ընթերցում
Դպրոցականների առարկայական օլիմպիադայի հանրապետական փուլում Գեղարքունիքի մարզը ձեռք է բերել 12 դիպլոմ և 5 գովասանագիր։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմի ԿՄՍ վարչությունից, առարկայական օլիմպիադայի դպրոցական փուլին Գեղարքունիքի մարզում մասնակցել են հանրակրթական 116 դպրոցների 9596 աշակերտ, որոնցից, 16 առարկաների մասով, մարզային փուլ երաշխավորվել և մասնակցել են 956 աշակերտ։
2026 թվականի փետրվար-ապրիլ ամիսների ընթացքում Գեղարքունիքի մարզից հանրապետական փուլ երաշխավորված 82 աշակերտից օլիմպիադային մասնակցել են 68-ը, առանց ՆԶՊ առարկայի արդյունքների, որի հանրապետական փուլը տեղի կունենա 2026 թվականի ապրիլի 25-26-ին:
2026 թվականին տեղի ունեցած դպրոցականների առարկայական օլիմպիադայի եզրափակիչ փուլում հաղթած և դիպլոմներով պարգևատրված աշակերտները կարժանանան անվանական կրթաթոշակի:
Խոսրով Խլղաթյան