1 րոպեի ընթերցում
Ադրբեջանը որոշել է տարհանել իր դեսպանատունը Թեհրանում և գլխավոր հյուպատոսությունը Թավրիզում։
«Արմենպրես»-ի փոխանցմամբ՝ ինչպես հայտնում է APA գործակալությունը, այդ մասին հայտարարել է Ադրբեջանի արտաքին գործերի նախարար Ջեյհուն Բայրամովը։
Բայրամովի խոսքով՝ ընթացող պրոցեսների ֆոնին չի կարելի մարդկանց կյանքը վտանգի ենթարկել։ «Ներկա պահին նախապատրաստական աշխատանքներ են տարվում դեսպանատան և գլխավոր հյուպատոսության տարհանման ուղղությամբ»,- նշել է Ադրբեջանի ԱԳ նախարարը։
Հիշեցնենք, որ մարտի 5-ին Ադրբեջանի պաշտպանության և արտաքին գործերի նախարարությունները հայտարարություն էին տարածել՝ Իրանին մեղադրելով Նախիջևանի օդանավակայանի վրա ԱԹՍ-ներով գրոհ իրականացնելու մեջ։ Ադրբեջանի ԱԳՆ էր կանչվել այդ երկրում Իրանի դեսպանը, նրան բողոքի նոտա էր փոխանցվել, իսկ Ադրբեջանի պաշտպանության նախարարությունը հայտարարել էր, որ «անպատասխան չի թողնելու այդ հարձակումը»։
Իրանի ԱԳ փոխնախարարն ու Զինված ուժերը սկզբում հերքել էին Թեհրանի առնչությունն ԱԹՍ-ներով գրոհին, սակայն հետագայում խոստացել էին հետաքննություն անցկացնել։