1 րոպեի ընթերցում
Հայաստանի հրաձգության ֆեդերացիան հատուկ պարգևի է արժանացել հրաձգության համաշխարհային կառույցի կողմից:
«Արմենպրես»-ի հաղորդմամբ` այս մասին հայտնում է Հայաստանի հրաձգության ֆեդերացիան:
Հրաձգության համաշխարհային ֆեդերացիայի նախագահ Լուչիանո Ռոսսին հատուկ պատվոգրով է պարգևատրել Հայաստանի հրաձգության ֆեդերացիայի նախագահ Արթուր Հովհաննիսյանին ու ֆեդերացիայի գլխավոր քարտուղար Արեգ Սարիբեկյանին` Երևանում ընթացող հրաձգության Եվրոպայի առաջնության անցկացման համար:
Սպորտային հրաձգության Եվրոպայի մեծահասակների առաջնությունը անցկացվում է փետրվարի 27-ից մարտի 5-ը Կ. Դեմիրճյանի անվան մարզահամերգային համալիրում։ Մրցաշարին մասնակցության հայտ են ներկայացրել ավելի քան 40 երկրի շուրջ 400 մարզիկ և մարզիչ։ Առաջնության շրջանակում կխաղարկվի մեդալների 70 հավաքածու։