Պարեկային ծառայողներն ուժեղացված ծառայության ընթացքում հայտնաբերել են ինքնաձիգներ ու ատրճանակներ

ՆԳՆ ոստիկանության պարեկային ծառայության աշխատակիցները փետրվարի 20-ին հանրապետության բոլոր մարզերում իրականացրել են ուժեղացված ծառայություն։ «Արմենպրես»-ի փոխանցմամբ՝ այս մասին հայտնում են ՆԳՆ ոստիկանությունից:

Հայտնաբերվել է  5 ինքնաձիգ, 2 հրացան, 2 մարտական ատրճանակ, 5 գազային ատրճանակ, 230 հատ տարբեր տրամաչափի փամփուշտներ, 10 դանակ և կռփազենք։

ՆԳՆ ոստիկանությունը շարունակում է ուժեղացված ծառայությունը: