Զելենսկին հրամանագիր է ստորագրել Լուկաշենկոյի նկատմամբ անձնական պատժամիջոցների մասին

Ուկրաինան անձնական պատժամիջոցներ է սահմանել Բելառուսի նախագահ Ալեքսանդր Լուկաշենկոյի նկատմամբ. համապատասխան հրամանագիր է ստորագրել նախագահ Վոլոդիմիր Զելենսկին։ «Արմենպրես»-ի փոխանցմամբ՝ այս մասին հաղորդում է «Ինտերֆաքս» գործակալությունը:

«Կիրառել անձնական հատուկ տնտեսական և այլ սահմանափակող միջոցներ (պատժամիջոցներ) ֆիզիկական անձի նկատմամբ՝ համաձայն հավելվածի», - ասվում է փաստաթղթում։

Հրամանագրում կա կետ, որում հիշատակվում է Լուկաշենկոն։ Նրա նկատմամբ պատժամիջոցները ենթադրում են ակտիվների սառեցում, բիզնեսին և պետական ​​գնումներին մասնակցելու արգելք, Ուկրաինա մուտքի սահմանափակում, լիցենզիաների և առևտրային համաձայնագրերի կասեցում, տեխնոլոգիաների և մտավոր սեփականության փոխանցման արգելք և այլ սահմանափակումներ։