Հայաստանն ու Հնդկաստանը քննարկել են ռազմատեխնիկական համագործակցությանը վերաբերող հարցեր

Հայաստանի պաշտպանության նախարարի տեղակալ Կարեն Բրուտյանը պաշտպանության նախարարության վարչական համալիրում ընդունել է պաշտոնական այցով Հայաստանում գտնվող Հնդկաստանի զինված ուժերի պաշտպանության շտաբի պետ, գեներալ Անիլ Չաուհանին։

«Արմենպրես»-ի փոխանցմամբ՝ այս մասին հաղորդագրություն է տարածել ՀՀ պաշտպանության նախարարությունը։  Հանդիպման ընթացքում կողմերը քննարկել են պաշտպանության ոլորտում Հայաստան-Հնդկաստան համագործակցության ընթացքին, ինչպես նաև ռազմատեխնիկական համագործակցությանը վերաբերող մի շարք հարցեր։