Մեծ Բրիտանիայի վարչապետը ժամանել է Չինաստան

Մեծ Բրիտանիայի վարչապետ Քիր Սթարմերը ժամանել է Չինաստանի մայրաքաղաք Պեկին։

«Արմենպրես»-ի հաղորդմամբ՝ այս մասին X-ի իր միկրոբլոգում հայտնում է BBC Politics-ը՝ տարածելով Մեծ Բրիտանիայի վարչապետի ժամանման տեսանյութը։

Keir Starmer greeted by delegates from the Chinese government as he becomes the first British prime minister to visit China for eight years

Follow live: https://t.co/LFfsKup8Pv pic.twitter.com/Ycg8LEiUEy

— BBC Politics (@BBCPolitics) January 28, 2026

«Քիր Սթարմերին դիմավորում են Չինաստանի կառավարության պատվիրակները»,-տեսանյութին կից՝ գրել է լրատվամիջոցը։

Ավելի վաղ Չինաստանի ԱԳ նախարարության խոսնակ Գո Ցզյակունը հույս է հայտնել, որ Մեծ Բրիտանիայի վարչապետ Քիր Սթարմերի առաջիկա այցը նոր էջ կբացի երկկողմ հարաբերությունների զարգացման գործում։

Սթարմերի այցը Չինաստան մեկնարկում է հունվարի 28-ին և կտևի մինչև հունվարի 31-ը։ Նա նախատեսում է բանակցություններ վարել Չինաստանի նախագահ Սի Ծինփինի, վարչապետ Լի Ցյանի և Ժողովրդական ներկայացուցիչների համաչինական ժողովի մշտական ​​կոմիտեի նախագահ Չժաո Լեջիի հետ։

Քիր Սթարմերը կլինի Մեծ Բրիտանիայի առաջին վարչապետը, որը կայցելի Պեկին 2018 թվականից ի վեր։