Գրոսմայստեր Հայկ Մարտիրոսյանը հաղթել է Էստոնիայի միջազգային մրցաշարում

Հայաստանի շախմատի տղամարդկանց թիմի անդամ Հայկ Մարտիրոսյանը հաղթել է Էստոնիայի մայրաքաղաք Տալինում կայացած միջազգային մրցաշարում:

«Արմենպրես»-ի հաղորդմամբ` «Remembering Paul Keres» արագ շախմատի մրցաշարում Հայկ Մարտիրոսյանը, 11 հնարավորից հավաքելով 8,5 միավոր, դարձել է մրցաշարի հաղթող: «Remembering Paul Keres» մրցաշարին մասնակցում է 133 շախմատիստ:

Հայկ Մարտիրոսյանը մրցաշարին մասնակցող երեք ամենաբարձր վարկանիշ ունեցող շախմատիստներից մեկն է: