1 րոպեի ընթերցում
Հայաստանի Հանրապետությունը հետաքրքրված է, որ Իրանի Իսլամական Հանրապետությունում իրավիճակը կայուն լինի։
«Արմենպրես»-ի հաղորդմամբ՝ այս մասին ԱԺ-ում լրագրողների հետ ճեպազրույցում նշել է ԱԺ փոխնախագահ Ռուբեն Ռուբինյանը՝ անդրադառնալով Իրանում դեկտեմբերի վերջերից սկիզբ առած բողոքի ցույցերին, և դրանց հնարավոր ազդեցությանը Երևանի ու Թեհրանի միջև արդեն իսկ համաձայնեցված տնտեսական ծրագրերի վրա։
«Մենք հետաքրքրված ենք, որպեսզի Իրանում իրավիճակը կայուն լինի և հույս ունենք՝ այդպես էլ կլինի, իսկ ինչ վերաբերում է համատեղ ծրագրերին, ապա որևէ դեպքում որևէ սպառնալիք չի լինի»,-ընդգծեց Ռուբեն Ռուբինյանը։
Դեկտեմբերի 28-ից Իրանում լայնածավալ ցույցեր են անցկացվում իրանական ռիալի կտրուկ արժեզրկման և մեծ գնաճի ֆոնին։ Հակակառավարական ցույցերն ուղեկցվել են բախումներով և անկարգություններով, որոնց հետևանքով կան բազմաթիվ զոհեր թե ցուցարարների, թե իրավապահների շրջանում։