368.59
Թայվանի ափերի մոտ զորավարժություններն անհրաժեշտ են երկրի տարածքային ամբողջականությունը պաշտպանելու համար. Լին Ցզյան
1 րոպեի ընթերցում
Չինաստանի արտաքին գործերի նախարարության խոսնակ Լին Ցզյանը անդրադարձել է Թայվանի ափերի մոտ չինական բանակի առաջիկա զորավարժություններն՝ հայտարարելով, որ այդ գործողություններն անհրաժեշտ են երկրի ինքնիշխանությունը պաշտպանելու համար։
«Սրանք անհրաժեշտ գործողություններ են պետական ինքնիշխանությունը և տարածքային ամբողջականությունը պաշտպանելու համար, ինչպես նաև վճռական պատասխան են արտաքին ուժերի գործողություններին, որոնք փորձում են օգտագործել Թայվանը՝ Չինաստանին զսպելու նպատակով, զինում են կղզին և իրավիճակը հասցնում են վտանգավոր պատերազմի եզրին», - «Արմենպրես»-ի փոխանցմամբ, ասել է նա լրագրողների հետ ճեպազրույցում։
Xinhua լրատվական գործակալությունն ավելի վաղ հայտնել էր, որ դեկտեմբերի 30-ին Չինաստանի Ժողովրդա-ազատագրական բանակը լայնածավալ ռազմական վարժանքներ կանցկացնի Թայվանի մոտակայքում գտնվող հինգ ծովային հատվածում և օդային տարածքում։
Անվտանգության նկատառումներից ելնելով՝ բոլոր չարտոնված նավերին և ինքնաթիռներին խորհուրդ է տրվել մարտական կրակոցներով վարժանքների ժամանակ ձեռնպահ մնալ հայտարարված ջրային և օդային տարածք մուտք գործելուց։
Բաժանորդագրվեք մեր ալիքին Telegram-ում