368.15
Ստեփանավանը հռչակվել է Հայաստանի 2027 թվականի երիտասարդական մայրաքաղաք
1 րոպեի ընթերցում
ԿԳՄՍ նախարարությունում կայացած «ՀՀ 2027 թվականի երիտասարդական մայրաքաղաք» մրցույթի հանձնաժողովի ամփոփիչ նիստի արդյունքում Հայաստանի 2027 թվականի երիտասարդական մայրաքաղաք է հռչակվել Ստեփանավանը։ «Արմենպրես»-ի հաղորդմամբ՝ այս մասին հաղորդագրություն է տարածել ՀՀ ԿԳՄՍ-ն»
Մրցույթին մասնակցել էին Վեդի, Ստեփանավան, Գորիս, Վաղարշապատ և Մասիս քաղաքները։ Ըստ փորձագիտական գնահատման և SMS քվեարկության արդյունքների՝ հաղթող է ճանաչվել Ստեփանավանը։
ԿԳՄՍ նախարարի տեղակալ, մրցութային հանձնաժողովի նախագահ Արթուր Մարտիրոսյանը շնորհակալություն է հայտնել բոլոր հայտատու համայնքներին ակտիվ մասնակցության համար՝ ընդգծելով երիտասարդական քաղաքականության զարգացման և համայնքներում երիտասարդական կենտրոնների ստեղծման կարևորությունը։
Նշվել է նաև, որ ԿԳՄՍ նախարարությունը կաջակցի Ստեփանավանին՝ պետական կառույցների, քաղաքացիական հասարակության և միջազգային գործընկերների ռեսուրսների ներգրավմամբ՝ 2027 թվականին երիտասարդական մայրաքաղաքի ծրագրերի արդյունավետ իրականացման համար։
Բաժանորդագրվեք մեր ալիքին Telegram-ում