Օդային տարածքի փակ լինելու պատճառով վարչապետ Փաշինյանի օդանավը Մոսկվայի փոխարեն վայրէջք է կատարել Սանկտ Պետերբուրգում
1 րոպեի ընթերցում
Գիշերը վարչապետ Նիկոլ Փաշինյանի կառավարական օդանավը Մոսկվայի օդային տարածքի ժամանակավոր փակման պատճառով վայրէջք չի իրականացրել։
«Արմենպրես»-ի փոխանցմամբ՝ այդ մասին «Ֆեյսբուք»-ի իր էջում գրել է ՀՀ վարչապետի մամուլի խոսնակ Նազելի Բաղդասարյանը։
Օդանավը ուղևորվել է Սանկտ Պետերբուրգ և ապահով վայրէջք կատարել «Պուլկովո» օդանավակայանում։
«Առավոտյան վարչապետ Նիկոլ Փաշինյանը շարունակել է իր ուղևորությունը և մեկնել Մոսկվա, որտեղ կմասնակցի Եվրասիական միջկառավարական խորհրդի հերթական նիստին, ինչպես նաև Գիտության և տեխնոլոգիաների ոլորտում համագործակցության միջազգային կոնֆերանսին»,- գրել է Բաղդասարյանը։
Ռուսաստանի Մոսկվայի մարզը դեկտեմբերի 10-ի գիշերը ենթարկվել է ուկրաինական ԱԹՍ-ների զանգվածային հարձակման։ Ռուսական «Տելեգրամ» ալիքների տարածած տեղեկությունների համաձայն՝ հարձակման պատճառով սահմանափակումներ են մտցվել Մոսկվայի «Շերևմետևո», «Վնուկովո», «Դոմոդեդևո» և «Ժուկովսկի» օդանավակայաններում։