«Լեգիա»-ի գլխավոր մարզչի պաշտոնակատարը «Նոա»-ի դեմ խաղում կենտրոնանալու է սեփական ֆուտբոլիստների խաղի վրա
1 րոպեի ընթերցում
Լեհական «Լեգիա»-ի գլխավոր մարզչի պաշտոնակատար Ինյակի Աստիսը Կոնֆերենցիաների լիգայի հիմնական փուլի նախավերջին տուրի Հայաստանի չեմպիոն «Նոա»-ի դեմ խաղում կենտրոնանալու է սեփական թիմի ցուցադրած խաղի վրա:
«Վերլուծել ենք մեր մրցակցի խաղը և դիտել ենք մի շարք հանդիպումներ: Այս խաղում կարևոր կլինեն նաև մանրուքները ու հատկապես առանձին ֆուտբոլիստների որակները: Բայց մենք կենտրոնանալու ենք մեր խաղի վրա: Մեր ֆուտբոլիստները գիտեն, թե ում դեմ են խաղալու»,-«Արմենպրես»-ի հաղորդմամբ` նախախաղային մամուլի ասուլիսի ժամանակ ասաց «Լեգիա»-ի գլխավոր մարզչի պաշտոնակատար Ինյակի Աստիսը:
Ֆուտբոլի Կոնֆերենցիաների լիգայի հիմնական փուլի նախավերջին տուրում Հայաստանի չեմպիոն «Նոա»-ն Վազգեն Սարգսյանի անվան Հանրապետական մարզադաշտում կընդունի «Լեգիա»-ին: Հաղթանակի դեպքում «Նոա»-ն իր տեղը կապահովի Կոնֆերենցիաների լիգայի փլեյ-օֆֆում: Հանդիպումը կմեկնարկի 21:45-ին: