1 րոպեի ընթերցում
Բասկետբոլի տղամարդկանց մինչև 16 տարեկանների C դիվիզիոնի 2026 թվականի Եվրոպայի առաջնությունն առաջին անգամ կանցկացվի Երևանում:
«Արմենպրես»-ի հաղորդմամբ`այս մասին հայտնում է Հայաստանի բասկետբոլի ֆեդերացիայի մամուլի ծառայությունը:
Տղամարդկանց մինչև 16 տարեկանների C դիվիզիոնի Եվրոպայի 2026 թվականի առաջնության անցկացման իրավունքը տրվել է Երևանին։ Մրցաշարը կանցկացվի 2026 թվականի հուլիսի 4-12-ը։ Մրցաշարը Հայաստանում առաջին անգամ է կազմակերպվում։
Մասնակից հավաքականներն են՝ Հայաստան, Ալբանիա, Ադրբեջան, Մոլդովա, Սան Մարինո, Մալթա, Ջիբրալթար, Անդորրա, Կոսովո:
Խաղացանկի վերաբերյալ լրացուցիչ տեղեկությունները կհրապարակվեն հետագայում։