Չինաստանը տիեզերք կարձակի «Շենչժոու-22» տիեզերանավը

Չինաստանը նոյեմբերի 25-ին տիեզերք կարձակի «Շենչժոու-22» տիեզերանավը։ Ինչպես հաղորդում է «Արմենպրես»-ը, այս մասին հայտնել է պետական ​​CCTV հեռուստաալիքը։ 

Այս քայլը կօգնի վերականգնել երկրի տիեզերական կայանի, ինչպես նաև անձնակազմով թռիչքների ծրագրի աշխատանքը, որը խաթարվել էր նոյեմբերի սկզբին։

«Շենչժոու-22» տիեզերանավը ուղարկվում է Չինաստանի «Տյանգուն» տիեզերակայան՝ փոխարինելու «Շենչժոու-21» տիեզերանավը, որը նոյեմբերի սկզբին ստիպված էր վերադառնալ Երկիր՝ նախատեսված ժամանակացույցից վեց ամիս առաջ։ Պատճառը տիեզերական աղբի պատճառով կայանին կցված մեկ այլ տիեզերանավի՝ «Շենչժոու-20» վնասվելն էր։

«Շենչժոու-21»-ը Երկիր վերադարձրեց «Շենչժոու-20»-ի անձնակազմին։ Իսկ «Շենչժոու-20»-ի տիեզերանավը, որը վնասված է, շարունակում է մնալ «Տյանգուն» տիեզերակայանին կցված։