1 րոպեի ընթերցում
Թենիսի «Մեծ սաղավարտ»-ի մրցաշարերի 20-ակի չեմպիոն, աշխարհի նախկին առաջին ռակետ, շվեյցարացի Ռոջեր Ֆեդերերը 2026 թվականին կընդգրկվի թենիսի միջազգային ֆեդերացիայի Փառքի սրահում:
«Արմենպրես»-ի հաղորդմամբ` Ռոջեր Ֆեդերերը կարիերան ավարտել է 2022 թվականին: Քվեարկության արդյունքում նա առաջ է անցել US Open 2009 թվականի չեմպիոն արգենտինացի Խուան Մարտին դել Պոտրոյից և «Մեծ սաղավարտ»-ի մրցաշարերի կրկնակի հաղթող ռուսաստանցի Սվետլանա Կուզնեցովայից:
«Ինձ համար մեծ պատիվ է ընդգրկվել թենիսի Փառքի միջազգային սրահում և կանգնել այս մարզաձևի բազմաթիվ մեծ չեմպիոնների կողքին: Իմ կարիերայի ընթացքում ես միշտ գնահատել եմ թենիսի պատմությունը և ինձնից առաջ եղածների օրինակը: Ես անհամբեր սպասում եմ հաջորդ օգոստոսին` նշելու այս հատուկ պահը թենիսի համայնքի հետ միասին»,- սոցցանցերի իր էջերում գրել է Ֆեդերերը: