Հայաստանի վարչապետը Լատվիայի վարչապետին շնորհավորել է Անկախության հռչակման օրվա առիթով
1 րոպեի ընթերցում
Հայաստանի վարչապետ Նիկոլ Փաշինյանը շնորհավորական ուղերձ է հղել Լատվիայի Հանրապետության վարչապետ Էվիկա Սիլինյային Ազգային տոնի՝ Անկախության հռչակման օրվա առթիվ: «Արմենպրես»-ի փոխանցմամբ՝ ուղերձը հրապարակված է Հայաստանի վարչապետի պաշտոնական կայքում։
«Ջերմորեն շնորհավորում եմ Ձեզ և Լատվիայի բարեկամ ժողովրդին Ազգային տոնի՝ Անկախության հռչակման օրվա առթիվ։ Լատվիայի ժողովուրդը, անցնելով անկախության դժվարին, բայց արժանապատիվ ճանապարհը, կառուցել է ժողովրդավար և դինամիկ զարգացող պետություն»,- ասված է ուղերձում
Վարչապետ Նիկոլ Փաշինյանը նշել է, որ Հայաստանը մեծապես կարևորում է երկու երկրի միջև ռազմավարական բնույթ ունեցող հարաբերությունների շարունակական զարգացումը՝ հատկապես քաղաքական, առևտրատնտեսական, բարձր տեխնոլոգիաների ոլորտներում:
«Առանձնահատուկ բարձր եմ գնահատում Լատվիայի աջակցությունը Հայաստանում ընթացող ժողովրդավարական բարեփոխումներին և ՀՀ-ԵՄ գործընկերության խորացմանը: Թույլ տվեք այս խորհրդանշական օրը մաղթել Լատվիայի ժողովրդին խաղաղություն, բարօրություն և նոր ձեռքբերումներ՝ զարգացման և առաջընթացի ճանապարհին»,- նշված է վարչապետի ուղերձում։