1 րոպեի ընթերցում
Ամերիկայի Միացյալ Նահանգների պետքարտուղարի քաղաքական հարցերով տեղակալ Ալիսոն Հուքերը ժամանել է Հայաստան։
«Արմենպրես»-ի փոխանցմամբ՝ այդ մասին հայտնել է ՀՀ-ում ԱՄՆ դեսպանությունը։
Նշվում է, որ Հուքերը ժամանել է Երևան ԱՄՆ նախագահի՝ տարածաշրջանային խաղաղության և անվտանգության տեսլականի առաջ մղման նպատակով։
Նա կհանդիպի Հայաստանի վարչապետ Նիկոլ Փաշինյանի, արտաքին գործերի նախարար Արարատ Միրզոյանի, անվտանգության խորհրդի քարտուղար Գրիգորյանի և Հայաստան-Թուրքիա կարգավորման գործընթացում Հայաստանի հատուկ ներկայացուցիչ Ռուբեն Ռուբինյանի հետ:
Կքննարկվեն հայ-ամերիկյան ռազմավարական գործընկերության ամրապնդման հետագա քայլերը՝ «Թրամփի ուղի հանուն միջազգային խաղաղության և բարգավաճման» նախագծի և հայ-ամերիկյան հուշագրերի շրջանակում։