Հայաստանի ֆուտբոլի ազգային թիմի անդամ Կարեն Մուրադյանը հնարավոր է համարում Հունգարիայի դեմ խաղում դրական արդյունքի հասնելը
1 րոպեի ընթերցում
Հայաստանի ֆուտբոլի ազգային թիմի անդամ Կարեն Մուրադյանի կարծիքով` աշխարհի առաջնության որակավորման փուլի շրջանակներում Հունգարիայի հավաքականի դեմ խաղում Հայաստանի հավաքականի ֆուտբոլիստները կարող են դրական արդյունքի հասնել նվիրված խաղի շնորհիվ:
«Գիտենք, որ Հունգարիան ուժեղ մրցակից է, բայց նրանց դեմ առաջին խաղում մենք լավ հանդես եկանք, ու այդ խաղը կարող էր այլ ընթացք ունենալ: Ավելի կարգապահ խաղով ու անմնացորդ նվիրվելու դեպքում հնարավոր եմ համարում, որ կարող ենք դրական արդյունքի հասնել»,-«Արմենպրես»-ի հաղորդմամբ` լրագրողների հետ հանդիպման ժամանակ ասաց Մուրադյանը:
Ֆուտբոլի աշխարհի առաջնության ընտրական փուլի նախավերջին տուրում Հայաստանի հավաքականը նոյեմբերի 13-ին կհյուրընկալի Հունգարիայի հավաքականին: Հանդիպումը կկայանա Վազգեն Սարգսյանի անվան Հանրապետական մարզադաշտում և կմեկնարկի Երևանի ժամանակով 21:00-ին։