1 րոպեի ընթերցում
Իտալիայի ֆուտբոլի առաջնության 11-րդ տուրում «Ինտեր»-ն արտագնա խաղում մրցել է «Լացիո»-ի հետ:
«Արմենպրես»-ի հաղորդմամբ` Հռոմում կայացած խաղում «Ինտեր»-ին հաջողվեց երկու անպատասխան գնդակ ուղարկել մրցակցի դարպասը: Միլանյան ակումբի կազմում աչքի ընկան Լաուտարո Մարտինեսն ու Անժ-Յոան Բոնին:
Հայաստանի ֆուտբոլի ազգային թիմի նախկին ավագ Հենրիխ Մխիթարյանը բացակայում էր «Ինտեր»-ի հայտացուցակից վնասվածքի պատճառով:
Այս հաղթանակից հետո «Ինտեր»-ը «Սերիա Ա»-ի մրցաշարային աղյուսակի առաջին տեղում է: