1 րոպեի ընթերցում
Երևանի «Նոա»-ի գլխավոր մարզիչ Սանդրո Պերկովիչը Կոնֆերենցիաների լիգայի հիմնական փուլի երրորդ տուրի չեխական «Սիգմա Օլոմոուց»-ից կրած պարտությունը կապում է խաղային սխալների հետ, որոնք չպետք է արվեն այս մակարդակի մրցաշարերում:
«Սխալները, որոնք մենք թույլ տվեցինք, հանգեցրեցին մեր պարտությանը, քանի որ այսպիսի մրցաշարերում նման սխալներ չպետք է արվեն։ Դեռ երեք հանդիպում ունենք և հնարավոր եմ համարում վաստակել անհրաժեշտ միավորներ: «Սիգմա»-ն հաղթեց և արժանի էր այս երեք միավորին»,-«Արմենպրես»-ի փոխանցմամբ՝ լրագրողների հետ հետխաղային մամուլի ասուլիսի ժամանակ ասաց Պերկովիչը:
Վերջինիս խոսքով` ինքը դժգոհելու իրավունք չունի իր ֆուտբոլիստներից, որոնք երբեմն զիջում էին մեկը մեկի դեմ խաղում: «Մենք այն մակարդակի վրա չէինք, որում պետք է լինեինք, սակայն չեմ դժգոհում իմ ֆուտբոլիստներից»,-ասաց նա:
Ֆուտբոլի Կոնֆերենցիաների լիգայի հիմնական փուլի երրորդ տուրում «Նոա»-ն Երևանում ընդուելով «Սիգմա Օլոմոուց»-ին և զիջեց 1:2 հաշվով: Կոնֆերենցիաների լիգայի 4-րդ տուրում «Նոա»-ն նոյեմբերի 28-ին կհյուրընկալվի շոտլանդական «Աբերդին»-ին: