1 րոպեի ընթերցում
Մարմնամարզության Եվրոպայի մեծահասակների առաջնության փոխչեմպիոն, աշխարհի առաջնության արծաթե մեդալակիր Մամիկոն Խաչատրյանը նպատակ ունի շարունակել աշխարհի առաջնության հաջողությունը:
«Մեծահասակների առաջին աշխարհի առաջնությունն էր ու լարվածությունը մեծ էր, մեծ էր նաև պատասխանատվությունը: Մեծահասակների առաջնությունում մրցակցությունն ուժեղ էր: Մենք լավ էինք նախապատրաստվել աշխարհի առաջնությանը: Ձգտել ենք առավելագույնին ու այդ լավ արդյունքը մեր մարզիչների գոհ լինելն է: Պետք է շարունակենք մարզումներն ու էլ ավելի մարզվենք, քանի որ պատասխանատվությունը հիմա ավելի շատ է»,-«Արմենպրես»-ի մամուլի սրահում լրագրողների հետ հանդիպման ժամանակ ասաց Խաչատրյանը:
Ինդոնեզիայի մայրաքաղաք Ջակարտայում կայացած սպորտային մարմնամարզության աշխարհի առաջնությունում Հայաստանի հավաքականից Օլիմպիական խաղերի բրոնզե և արծաթե մեդալակիր, աշխարհի և Եվրոպայի չեմպիոն Արթուր Դավթյանն ու Եվրոպայի մեծահասակների առաջնության փոխչեմպիոն Մամիկոն Խաչատրյանը դարձան աշխարհի առաջնության արծաթե մեդալակիրներ: