ՀՀ ԱԱԾ տնօրենը Թբիլիսիում հանդիպել է վրացի գործընկերոջ հետ

Հայաստանի ազգային անվտանգության ծառայության տնօրեն Անդրանիկ Սիմոնյանը Թբիլիսիում հանդիպել է Վրաստանի պետական անվտանգության ծառայության ղեկավար Մամուկա Մդինարաձեի հետ։ 

«Արմենպրես»-ի փոխանցմամբ՝ այս մասին  հայտնում է «Սպուտնիկ Վրաստան»-ը։ 

Հանդիպման ընթացքում կողմերը քննարկել են գործընկերային համագործակցության հետագա խորացման հետ կապված հարցեր։ Կողմերը նաև քննարկել են տարածաշրջանային մարտահրավերները և անվտանգության ոլորտում համագործակցությունը զարգացնելու հնարավորությունները։