1 րոպեի ընթերցում
Աշխատանքային այցով Հայաստանում գտնվելու ընթացքում Բելգիայի Թագավորության թագուհի Մաթիլդան ոչ պաշտոնական այց է կատարել Հայաստանի ազգային պատկերասրահ։
«Արմենպրես»-ի փոխանցմամբ՝ այս մասին հայտնում են Հայաստանի ազգային պատկերասրահից։
Նշվում է, որ Բելգիայի թագուհին շրջել է պատկերասրահի որմնանկարների սրահներով, ծանոթացել հայկական հին և միջնադարյան արվեստի արժեքավոր նմուշներին։
Բելգիայի թագուհի Մաթիլդան աշխատանքային այցով Հայաստանում է գտնվել հոկտեմբերի 13-15-ը՝ որպես ՄԱԿ-ի Կայուն զարգացման նպատակների պաշտպան։
Այցի ընթացքում Բելգիայի թագուհին հանդիպումներ է ունեցել ՀՀ նախագահի, վարչապետի և այլ պաշտոնյաների հետ, ինչպես նաև այցելել է Երևանի պետական համալսարան, Թումո ստեղծարար տեխնոլոգիաների կենտրոն, մասնակցել Ծաղկունք գյուղում «Հայ-բելգիական անտառի» հիմնարկեքին։