1 րոպեի ընթերցում
101 տարեկանում մահացել է Ճապոնիայի նախկին վարչապետ Տոմիիչի Մուրայաման, որը երկիրը ղեկավարել է 1994 թվականի հունիսից մինչև 1996 թվականի հունվարը։ «Արմենպրես»-ի փոխանցմամբ՝ այս մասին հաղորդում է Kyodo գործակալությունը:
Մուրայաման դարձել էր 47 տարվա ընթացքում Ճապոնիայի առաջին սոցիալիստ վարչապետը՝ գլխավորելով աննախադեպ կոալիցիոն կաբինետը, որը կազմվել էր երեք մրցակից ուժերի՝ Սոցիալիստական կուսակցության, Լիբերալ-դեմոկրատական կուսակցության և ոչ մեծ Սակիգակեի նոր կուսակցության կողմից:
Մուրայաման հայտնի է 1995 թվականին հրապարակված իր հայտարարությամբ, որով նա պաշտոնապես ներողություն է խնդրել Ասիայի այն բոլոր երկրներից, որոնք տուժել են ճապոնական գաղութատիրության և ագրեսիայի հետևանքով: