ՌԴ Անվտանգության դաշնային ծառայության ղեկավարը հայտնել է «Թուրքական հոսք» գազատարի վրա դիվերսիայի նախապատրաստման մասին
2 րոպեի ընթերցում
ՌԴ Անվտանգության դաշնային ծառայության տնօրեն Ալեքսանդր Բորտնիկովը հայտարարել է, որ Ռուսաստանը տեղեկություններ ունի բրիտանական և ուկրաինական հետախուզական ծառայությունների կողմից «Թուրքական հոսք» գազատարի վրա դիվերսիոն հարձակումներ նախապատրաստելու վերաբերյալ։ Ինչպես հաղորդում է «Արմենպրես»-ը, այս մասին հայտնում է ռուսական «Ինտերֆաքս»-ը։
«Մենք տեղեկություններ ունենք բրիտանական և ուկրաինական հետախուզական ծառայությունների կողմից «Թուրքական հոսք» գազատարի վրա դիվերսիոն հարձակումներ նախապատրաստելու մասին», - հոկտեմբերի 16-ին հայտարարել է Բորտնիկովը՝ ելույթ ունենալով ԱՊՀ անվտանգության գործակալությունների և հատուկ ծառայությունների ղեկավարների խորհրդի 57-րդ նիստում։
Նրա խոսքով՝ «բրիտանական հետախուզության անմիջական հսկողության ներքո Ուկրաինայի անվտանգության ծառայությունն իրականացրել է «Սարդոստայն» գործողությունը Ստամբուլում Ուկրաինայի և Ռուսաստանի պատվիրակությունների միջև բանակցություններից անմիջապես առաջ»։
Բորտնիկովը հայտնել է, որ SAS-ի (Հատուկ օդային ծառայություն) և MI6-ի հրահանգիչները պլանավորել են անօդաչու թռչող սարքերի մի շարք հարվածներ Կասպյան խողովակաշարի կոնսորցիումի գրասենյակի և օբյեկտների դեմ։ Կոնսորցիումի բաժնետերերի թվում են ընկերություններ Ռուսաստանից, Ղազախստանից և Միացյալ Նահանգներից։