Վարշավայում հանդիպել են Հայաստանի և Ուկրաինայի արտաքին գործերի նախարարները

Հայաստանի Հանրապետության արտաքին գործերի նախարար Արարատ Միրզոյանը հանդիպում է ունեցել Ուկրաինայի ԱԳ նախարար Անդրեյ Սիբիհայի հետ։

«Արմենպրես»-ի հաղորդմամբ՝ այս մասին նշված է Արարատ Միրզոյանի X-ի միկրոբլոգում կատարված գրառման մեջ։ 

«Խորաթափանց զրույց՝ իմ գործընկեր Անդրեյ Սիբիհայի հետ։ Մենք համաձայն ենք զարգացնել Հայաստան-Ուկրաինա համագործակցությունը և ընդլայնել երկկողմ օրակարգը»,-նշել է Միրզոյանը՝ հավելելով, որ հանդիպման ընթացքում համառոտ ներկայացվել է նաև Հարավային Կովկասում հաստատված խաղաղությունը։  

ՀՀ ԱԳ նախարարի խոսքով՝ հանդիպմանն ընդգծվել է նաև Ուկրաինայում խաղաղության հասնելու կարևորությունը։ 

«Կարծիքներ փոխանակվեցին ստեղծված իրավիճակի վերաբերյալ»,-ասված է Արարատ Միրզոյանի գրառման մեջ։ 

ՀՀ ԱԳ նախարար Արարատ Միրզոյանն աշխատանքային այցով Լեհաստանում է, որտեղ մասնակցում է Վարշավայի անվտանգության ֆորումին։ 

Insightful conversation w/my counterpart @andrii_sybiha.

We agree to develop 🇦🇲-🇺🇦 cooperation & enhance the bilateral agenda.

Briefed on established peace in the South Caucasus. Stressed the importance of reaching peace in #Ukraine. Exchanged views on the ongoing situation. pic.twitter.com/oSgaXA2qTG

— Ararat Mirzoyan (@AraratMirzoyan) September 30, 2025