Արթուր Ալեքսանյանը հաղթանակով մեկնարկեց աշխարհի առաջնությունում. հաջորդ մրցակիցն Ադրբեջանի ներկայացուցիչն է

Օլիմպիական խաղերի ոսկե, կրկնակի արծաթե ու բրոնզե մեդալակիր, աշխարհի քառակի, Եվրոպայի յոթակի չեմպիոն Արթուր Ալեքսանյանը հաղթանակով մեկնարկեց աշխարհի առաջնությունում:

«Արմենպրես»-ի հաղորդմամբ` Խորվաթիայի մայրաքաղաք Զագրեբում ընթացող աշխարհի առաջնության 97 կգ քաշային կարգի մեկնարկում Արթուր Ալեքսանյանը մրցեց Չինաստանի ներկայացուցիչ Ժեհանգ Վանգայի հետ ու առավելության հասավ 5:1 հաշվով: 

Ալեքսանյանը դուրս եկավ քառորդ եզրափակիչ:

Ալեքսանյանի հաջորդ մրցակիցն Ադրբեջանի ներկայացուցիչ Մուրադ Ահմադիևն է: