1 րոպեի ընթերցում
Մեկ շաբաթվա ընթացքում Չիկուգունյայի վիրուսով վարակման 336 նոր դեպք է գրանցվել Չինաստանի հարավային Գուանդունի նահանգում. իրավիճակն ընդհանուր առմամբ կայուն է, սակայն գլոբալ համաճարակի վտանգը պահպանվում է: Ինչպես հաղորդում է «Արմենպրես»-ը, այս մասին հաղորդում է Չինաստանի կենտրոնական հեռուստատեսությունը (CCTV):
Հաղորդագրության մեջ ասվում է, որ հիվանդության դեպքեր են գրանցվել մի քանի քաղաքներում:
Չիկուգունյայի տենդը վիրուսային ինֆեկցիա է, որը մարդկանց փոխանցվում է արյունածուծ միջատների խայթոցների միջոցով: Հիմնականում հիվանդությունը փոխանցողները Aedes aegypti և Aedes albopictus տեսակի մոծակներն են:
Չիկուգունյայի վիրուսի տարածման բնական շրջաններ են համարվում Աֆրիկայի, Հնդկաստանի, Հարավարևելյան Ասիայի և Հնդկական օվկիանոսի կղզիների արևադարձային գոտիները, որտեղ ինֆեկցիայի սեզոնային բռնկումներ են գրանցվում ամեն տարի, ինչպես նաև Մեքսիկան և Գվատեմալան: