Մեկնարկել է Հայաստան-Իռլանդիա հանդիպման տոմսերի վաճառքը

Վազգեն Սարգսյանի անվան «Հանրապետական» մարզադաշտում սեպտեմբերի 9-ին կայանալիք Աշխարհի 2026 թվականի առաջնության եվրոպական գոտու որակավորման փուլի Հայաստան-Իռլանդիա հանդիպման տոմսերի վաճառքը սկսվել է: 

«Արմենպրես»-ի հաղորդմամբ` այս մասին հայտնում է ՀՖՖ-ն: 

Տոմսերը հասանելի են tickets.ffa.am կայքում: 

Ինչպես այս, այնպես էլ Հայաստանի ազգային հավաքականի հաջորդ բոլոր հանդիպումների համար տոմսերի վաճառքն իրականացվելու է միայն առցանց․ տոմսերի ֆիզիկական վաճառք չի նախատեսվում:

 Յուրաքանչյուր անձ կարող է գնել Հայաստան-Իռլանդիա հանդիպման ոչ ավելի, քան 2 տոմս: Գնումից հետո օգտատերը տեսնելու է իր գնած տոմսերը tickets.ffa.am կայքի անձնական հաշվում, սակայն տոմսերի QR կոդերն ակտիվանալու են միայն հանդիպման օրը:

Տոմսերը գներն են`

Արևելյան տրիբունա 5,000 - 12,000

 Արևմտյան տրիբունա 12,000 - 16,000

Հարավային տրիբունա 1,000 - 3,000

Հյուսիսային տրիբունա 1,000 - 3,000։