1 րոպեի ընթերցում
Հայկական արմատներով ռուսաստանցի թենիսիստ Կարեն Խաչանովը պարտվել է Տորոնտոյի մրցաշարի եզրափակչում:
«Արմենպրես»-ի հաղորդմամբ` եզրափակչում Խաչանովը զիջել է ամերիկացի 22-ամյա թենիսիստ Բեն Շելթոնին։ Առաջին սեթում 7-6 հաշվով հաղթել է Կարեն Խաչանովը, երկրորդ և երրորդ սեթերում նա պարտվել է մրցակցին՝ համապատասխանաբար 4-6 և 6-7 հաշվով։
Նվաճելով Կանադայի Տորոնտո քաղաքի «Մասթերս» կարգի մրցաշարի չեմպիոնի տիտղոսը՝ Բեն Շելթոնը դարձել է ATP-1000-ի ամենաերիտասարդ ամերիկացի հաղթողը 21 տարվա ընթացքում: