Դիտարկվել են Գորիսում իրականացվող սուբվենցիոն ծրագրերը

Սյունիքի մարզպետի խորհրդական Կարեն Բալյանը Գորիս համայնքի ղեկավար Առուշ Առուշանյանի հետ դիտարկել է ՀՀ կառավարություն-համայնք համաֆինանսավորմամբ Գորիսում այս պահին իրականացվող սուբվենցիոն ծրագրերը, որոնց շրջանակում ընթանում են ներհամայնքային ճանապարհային ցանցի հիմնանորոգման աշխատանքներ։  

«Արմենպրես»-ի փոխանցմամբ՝ այս մասին հաղորդագրություն է տարածել Սյունիքի մարզպետի աշխատակազմը։ 

«Բակունցի, Խորենացու, Գ.Նժդեհի փողոցների հիմնանորոգման շինաշխատանքների ընդհանուր արժեքը 1 մլրդ 60 մլն դրամ է, որի մեջ պետության համաներդրումը 583 մլն դրամ է (55 տոկոս), համայնքինը՝ 477 մլն դրամ (45 տոկոս)։

Աշխատանքները կատարում են «Ոսմար», «Ճանշին տեխնախ», «Բեստ ռոուդ» ՍՊԸ-ները։